الثلاثاء، 22 يناير 2013

هاو الأساتذة بش يعملو إضراب


 الأساتذة بش يعملو إضراب


على خاطر يحبو المناهج التعليمية تتحسن؟ لا أبدا

على خاطر يحبو مخابر للبحث؟ لا أبدا

إمالة يحبو العطلة تولي شهرين برك موش تلاثة، باش يحسنو مستوى التلامذة الضحل؟ لا لا أبدا

إمالة باش يقضيو على الإيتود منين هب و دب؟ لا يستحيل

إمالة لازم يحبو الإمتحانات تصعاب و تركز أكثر على الفهم و النقد و التحليل؟! لا موش هاذي زادة

إمالة باز خاطر الأقسام معبية و التلميذ ما ينجمش يفهم؟ حتى هاذي لا

أهيا، لقيتها! المكتبات في الليسيات فارغة، و يحبو الدولة تعمل إتفاقيات مع دور النشر باش أخر العناوين تبدى متوفرة للتلامذة؟! لا حتى هاذي لا

تي إمالة على شنوة؟ 

قلك يحبو زيادة في الشهرية
مرة أخرى؟ إيه مرة أخرى و كان تحل فمك تولي رجعي بندير الحكومة ضد العمال

هيا سيدي، هاو إش نقترح : الموظف البسيط كيف يزيد دينار في الشهرية، يدفع منه 350 فرنك ضرائب، الضرائب هذيكا تتبنى بيها السببطارات و تخلص بيها الأساتذة

الأستاذ الي عامل 6 قروبات إيتود، كل قروب فيه 10 من أولاد الموظف البسيط ب40 دينار الراس، ما يدفعش على الدخل هذا حتى فرنك ضرائب! دورو لا! يعني ما يساهمش في بناء السبيطارات و تخليص الأساتذة، يستفاد من مجهود المجموعة الوطنية، أما ربحو ياخذو خام ليه

نقترح تقنين الإيتود، و المراقبة الجبائية ليه، و خطايا جبائية لكل من يتهرب أو يصرح بأقل ملي يدخل، و هكاكة يكونو الأساتذة ساهمو كيف غيرهم في الضرائب ،كيفهم كيف الي يخلص في 400 ألف برك و يقري في صغارو إيتود بالسيف، و وقتها تتنفنف الأمور و نزيدو الأساتذة في الشهرية لا و الله و يفضل باش نزيدو نعمرو مكتبات الليسيات



لا عاد! خدمتهم متعبة! نعم بابا؟ متعبة؟ 18 ساعة في الجمعة 8 شهر في العام متعبة؟ إمالة كان جيت عسكري تضرب بالعامين كونجي لا و جمعة على جمعة تخدم 60 ساعة؟ كان جيت كواش تقوم 5 متع الصباح، و إلا بحار؟ إمالة إش يقول الي يحفر في المنجم؟

لا لا هوما متعبة للأعصاب

متعبة زعمة للأعصاب أكثر من خدمة المهندس الي كان يسهى لحظة طيارة إتطيح؟ من خدمة الطبيب الي كان يفقد تركيزو ثانية إنسان يموت؟ 

تي لا لا! هوما يحضرو كوراتهم! علاه خاطر بالكشي المهندس و المحامي و الكونطابلي ما يروحوش بشكاير خدم للدار و ما عندهمش جوان و جويلية و أوت

كان الدلال الفارغ، شكون ضربك على يدك قلك ولي أستاذ؟ تي ماك تجري و تجري و تعاود سنين في الكاباس و فمة شكون دفع الرشوة جملة! توة ولات خايبة؟ مرهقة؟ الشهرية شوية؟ ما في بالكش بيها م الأول محسوب

نعطيكم وذني نهار الي نشوفكم محروقين هابلين هايجين على المكتبات الفارغة، على المستوى الضحل للتلامذة، نهارة الي نراكم الساعة تدفعو في الضرائب على فلوس الإيتود، وقتها، كي تكونو أديتو واجبكم للمجموعة الوطنية من حقكم تطالبو المجموعة الوطنية بالزيادة، موش قبل


 أه سامحوني! ما يحبوش زيادة في الشهرية! أما زيادة في المنحة : الحاج موسى، موسى الحاج

أه شوف الطبيب! درجين ب40 دينار! علاه قاري قده إنت؟

الآخر قلك نحبو روترات بكري؟! معناها مع جوان و جويلية و أوت، يحب المجموعة الوطنية تبدا تصرف عليه على بكري! و العسكري إمالة وقتاه ياخو الرترات؟ و الي يحفر في المنجم! باهي سيدي ماك كي تجري و تجري باش تولي بروف في بالك بالرترات وقتاش



لا قلك، ما تعرفش علاش تحكي! خاطر هوما يعرفو الفرملي إش يعاني و العسكري إش يقاسي و البحار كيفاه عايش! و الكلهم يدفعو في الضرائب  و ما عندهمش جوان و جويلية و أوت


شوف نواب التأسيسي قداه يخلصو و مستخسر فينا زوز صوردي؟ الحل نصدمو على المجلس التأسيسي نهدوه على روسهم، موش نزيدوكم إنتوما

كيلو الفلفل ب1700 و ما تحبناش نتزادو؟ كيلو الفلفل ب1700 على الي يخلص في 400 دينار برك و يدفع في ضرايبه و يقري في أولاده إيتود، و الزيادة لعشرات آلاف الأساتذة من غير زيادة مقابلة في الإنتاج تعمل التضخم، و يولي كيلو الفلفل ب2500 و يقعد الموظف  يخلص في 400 دينار برك و يدفع في ضرايبه و يقري في أولاده إيتود

شكون قراك و ردك تقرى و تكتب! شوف هاك اللوغة! متطوع بالكشي! ماهو يخلص، و عاد هكاكة شكون داواك و شكون بنالك الكياس، لا خدمة إنجمو نعيشو بلاش بيها و لا واحد يخدم بلاش

أدي واجبك نحو المجموعة الوطنية و بعد طالبها، موش المجموعة الوطنية توة على ركايبها : توة نحلبها و بعد ما تشيح نذبحها و نسلخها

و بالطبيعة، النهار الي ما يخدموش فيه.. يخلصو فيه.. من ضرائب الي يدفع فيها الموظف الي  يخلص في 400 دينار برك و يدفع في ضرايبه و يقري في أولاده إيتود

كلامي موجه للأساتذة المواسونوز باتوز متع مصان فلوس الإيتود، الكلنا قابلنا منهم عرفنا منهم، كيما عرفنا زادة الأستاذ الي يترفع عن إنه يبيع العلم، يغزرلو رسالة موش سلعة و يعدي السوايع بعد الوقت يفهم و يوري، جائزته إنك تفهم، موش راس الشهر يبدا يتشوحر : ويني فلوس الإيتود

هناك 22 تعليقًا :

  1. c'est bien dit yassine

    ردحذف
  2. بوركتِ وبوركت جهودكم اخي الفاضل، وأحسن الله إليكم وزادكم علمًا وحكمه وجزاكم عنا خيرًا كثيرًا وتقبل منكم صالح العمل

    ردحذف
  3. أكثر الله من أمثالكم وحقق آمالكم
    وأسعدكم في دنياكم وبارك في عيالكم
    وجعل الجنة مآلنا ومآلكم ...

    ردحذف
  4. wallahi moi aussi j'arrive pas à comprendre.... Déjà je suis parmis ceux elli ytalbou bich yna9soulhom salaire.... je ne sais pas qu'est ce qu'il apporte, à part quelques uns. Belekchi tal3ou génération qui pourraient prendre les commandes de cette Nation !!?? Ti de plus en plus yahchmou "les nouveaux produits" (ena presque menhom)... rabbi yehdi wakahaw !

    ردحذف
  5. c'est une bande d'escrot ils s'enfoutent de l'éducation de nos enfants des feignants qui travaillent 18 heures par semaines et se plaignent tous le temps et a pars l'etude ils onts chacun un projet a coté ( magasin de vente matriel informatique) agriculture c'est la mentalité de la gauche travailler moin et gagner plus

    ردحذف
  6. هل قرأت اللائحة المهنية ؟
    هل تعرف تاريخ المفاوضات و الإتفاقيات الممضاة من طرف الوزارة ؟
    .كلامك فيه الكثير من التجني على هذا القطاع المعروف بنضاله الشرعي و في إطار القانون منذ القِدم أيام كان للنضال معنى

    مع إحترامي لرأيك

    ردحذف
  7. يمكن تحميل عبء هذه المطلبية المجحفة التي تمارس من هذا الطرف أو ذاك صلب القطاع العمومي على الحكومة المؤقتة و على الموظف على حد سواء : أما الأولى فلا تنفك تنفق بلا حساب مما تقترضه الدولة على هذه الزيادات (وهذا بشهادة وزير المالية المؤقت) بداية بأعضاء المجلس التأسيسي و مرورا بقطاعات ليست الأحوج (ومثال ذلك قطاع الضمان الاجتماعي الذي تمت الموافقة على زيادة أجوره والذي كان جزئيا في الأيام الأخيرة في حالة إضراب عشوائي احتجاجا على 0,75% من هذه الزيادة التي تحول الحكومة التملص منها). و أما الثاني فلا يتوانى عن المطالبة بالزيادة وهو على علم بحالة البلاد الغير مطمئنة بالمرة وعلى علم أكثر بحالة العديد من أبناء بلده الذين يشكون من البطالة بل و من أبسط مقومات العيش الكريم ...
    الأشكال هنا هو أنه أن واصلت الحكومة المؤقتة سوء التصرف هذا فإن الجميع سيدفع ثمنه في القريب العاجل عندما تعجز الدولة عن تسديد قروض بددتها في مغازلة القطاع العام والرضوخ لنزواته الأنانية و عندما تعتذر عن خلاص أجور كل أو بعض الموظفين فيستوي العامل بمن لا عمل له !
    والسؤال هنا خطير : لماذا تواصل الحكومة شراء ذمة القطاع العام على حساب توازن خزينة الدولة و على حساب الجهات المحرومة التي تجيب مطالبها المشروعة بالعنف البوليسي والأسلحة المشوهة ؟ وحسب رأيي المتواضع فهي فقط تشتري الذمم تحسبا للانتخابات القادمة حيث من المستحسن أن تكون الإدارة لها لا عليها ...

    ردحذف
  8. wallahi ena prof, w ma n9arrish etude, tu c pk khater l etude c tres fatiguannnnnt
    w ki et9oul moush metiers pénible bellehi ija chouf win n9arriou 9a3at i3ayfou zebla chbebek mkassrine el bared fi shté w skhana fi sif , lana fi burouet wla 3anna chaufage central wla clim, w lana fi jayesh, koul chey yeshriouh bi chtar el ha9 w idawiou blesh w yerkbou blesh, ahna ma3anna hatta emtyazet juste en9ariou w nassn3ou fi ajyel w fi lekher hatta kelmet barakallaho fikom mestakhssrinha, entouma 9a3dine etchaj3ou a3la maout dhamir al oustedh, malla halla , que des préjugés

    ردحذف
  9. Ena men9arrich étude kol youm nfi9 4h30 na3mel 3h transport aller we kifhom retour kol youm we kol chhar 300 dinars m'en chahriti li transport akther m'en 10 ans we mena9altech chbikom met9oulou chay elli fil jem3a zyeda entre 350 et 900 les medicins, poste, affaires sociales kolhom me9oltou 3lihom chay les profs zeyeda wosslet 25 dinars ken 3alli y9arri étude barra 7otou fil 7abs s7i7 elle mataleb mouch hia allah ghaleb na9aba tal3eb fi seyassa si wzara mtalfetna: na7ana elle bhim el 9sayer 9bal de ba3d thawra

    ردحذف
  10. وأنا اتنقل من حائطٍ إلى حائطٍ تأكدت أن كل من خاض نقداً في إضراب الأساتذة اليوم ما يعلم من هذه المهنة إلا : الأساتذة يخدموا 18 ساعة فالأسبوع شهرين راحة في الصيف 15 يوم فالشتا وفي الربيع ، الأساتذة مهرين جيوب الوالدين بالأتود ، الأساتذة بيهم الأساتذة عليهم .
    اتحدى أياً كان أن يواجه 4 ساعات فيلقاً من المراهقين هو ينبح و يقفز ما بين السبورة والتلامذة ، هذا ما فهمش ولاخر ما يعرفش يكتب اسمو ولاخر يوحل في عملية طرح متع إبتدائي و واحد يخسابك تكلم فيه بالشنوة ومغير ما نحكو على لبلادة و قلت التربية و الهمجية و العنف .
    بعد عام خدمة تلقى الخدمة إلي كنت تحلم بها طول عمرك كابوس مكش بش تفيق منو إلا وطلعلك السكر و دم ماغير ما نحكو على إلي دخلوا وخرجوا فالحلة (زميل لينا الجمعة إلي فاتت هبل أي نعم هبل ) و مانيش نبالغ كي نقوللكم كل عام عشرات مالأساتذة يخلطوا عليه (Une étude scientifique menée par l'équipe du service de psychiatrie Ibn Jazzar à l'hopital El Razi de Manouba (TUNISIE) sur 398 cas vient de montrer que les enseignants tunisiens souffrent en partie du syndrome d'épuisement professionnel ou BURNOUT. Ainsi 41% souffraient d'épuisement professionnel et 27% souffraient d'épuisement émotionnel élevé)
    مش كل الأساتذة يقريو فالمنزه و بوجعفر و صفاقس أكثرهم مباشرين في مناطق نائية كي نقول نائية معناها كي تمرض ما فماش طبيب، الخبز تعربن عليه وفي أحسن الحالات يوفى في نصف النهار، النقل مش متوفر وكان موجود تنجم تقعد 6 سوايع بش تتنقل 3OOكم ،كان عندك عايلة تكري في زوز بلايص ، العطار يرى فيك مليونير ويعملك أسوام عالمية .
    إي نعم شهريتنا مش قد تضحيات الاستاذ لكن مش هي الحل بش تحلنا مشاكلنا . الاستاذ يحب يقري تلامذة يؤمنوا بالتعليم متعطشين للعلم ، يحب يقري في برنامج يرى فيه بصمتو، يحب يصلح المنظومة التعليمية تصليح عميق مش تليق مل فوق الفوق ، يحب يرى مجهودو يتثمٍن مش كيما أستاذ يتكربن كيما إلي مقطع روحو .
    لهذه الأسباب منجمتش نتضامن مع إضراب اليوم

    ردحذف
  11. je trouve vos propos incroyablement blessants pour les enseignants! vous les mettez tous dans le même sac!Selon vous, ils seraient tous opportunistes, interessés par l'argent, fainéants! mais vous savez beaucoup d'enseignants ont la vocation, aiment leurs élèves, aiment leur métier et se crèvent à la tâche malgré les difficultés! vous décrivez une catégorie d'enseignant méprisable! mais en fin de compte , vous décrivez une certaine mentalité tunisienne (heureusement tous les tunisiens ne l'ont pas!!! je deteste géneraliser!!!!!!): fainéantise, logiqie du moindre effort, opportunisme, amour de l'argent, inefficacité! le travilleur tunisien bosse dur jusqu'aà sa titularisation! après, c'est dodo jusqu'à la retraite avec le café et le croissant sur le bureau! en fin de compte vous critiquez la société, pas les enseigants! votre coup de gueule vous a bien soulagé! tant mieux pour vous! Mais votre coup de gueule n'a pas blessé l'enseifnante que je suis! car j'ai la conscience tranquille, j'aime mon métier, j'adore mes élèves et je ne changerais pour rien au monde de métier! ( une enseignate de français qui a enseigné au lycée, à l'université et chose incroyable pour vous, qui n'a jamais fait d'études privées pour pour arrondir les fins de mois)

    ردحذف
  12. j'adhère totalement. bravo Monsieur et bonne continuation!

    ردحذف
    الردود
    1. médiocre,pauvre yassine!tu te bouffes comme narcisse

      حذف
  13. مقال لا يخلو من تشفي و تزفزيف و شعبوية تذكرني باساليب منتسبي بعض الاحزاب.
    من المعلوم ان الاجور تحددها القيمة المضافة للعمل، موش هذا يخدم نهارين و هذا جنبو واجعو من الخدمة. و مهن مثل الخضار و عون النظافة و الجندي على اهميتها، تبقى قيمتها المضافة غير مرتفعة و كذلك التاجير. و يبقى للي موش عاجبتو شهريتو انو يشوف حاجة تخلصو خير (كان نجم روحو) على اساس قاعدة العرض و الطلب واللي هي باش تكلفو اكثر تقنيا و معرفيا.
    ولذا المقارنة بين المنجمي و الاستاذ لا تجوز، على اساس ان التكوين المعرفي الي يقدمو الاستاذ يحدد البنية الذهنية لاجيال و مصير بلاد كاملة. و بالتالي قيمتو المضافة ذات بعد استراتيجي موش تقني والا فني صرف. الاستاذعلى هذا الاساس من حقو يقري 10 ساعات فقط موش 18. ومن حقو يخلص خير. و كل دعوة لضرب التعليم هو َتنظير للجهل و الانحطاط.

    ردحذف
  14. Bravo Yassine! et s'ils veulent une augmentation des salaires, l'Etat doit augmenter leurs heures de travail!
    Et pour ceux qui n'ont pas pu saisir la comparaison entre un prof et un simple ouvrier, je propose donc une comparaison avec un comptable: Je suis une jeune cadre comptable, j'ai le même niveau d'études d'un prof et je travaille 40 heures par semaine avec des heures supplémentaire qui dépassent parfois les 10 heures par semaine, j'ai un stress de travail incroyable et surtout en fin des mois et fin d'année (concentration sur les chiffres, contrôle des comptes, déclarations fiscales et sociales, respect des échéances, recherches des solutions pour tenir une société en activité...). Notre code de travail nous donne droit à 12 jours de congé annuel et si vous travaillez avec un agréable chef d'entreprise, il vous propose 18 jours! Avec ces conditions JE TOUCHE LE MÊME SALAIRE QU'UN PROF (et je vous le jure qu'il y a d'autres comptables et financiers ou bien des assistants administratif qui touche 300 et 400 dinars!!)
    En conclusions, mouch wa7ad'hom y9assiw! w n9olhom yizziw mel ananiya! kol 3am tal3ine b tal3a jdida! kol 3am grève! talbou b ta7ssine el manhaj etta3limi w mba3ed talbou b zyèdèt echahriya rakom 3maltou el 3ar!!

    ردحذف
  15. إن كان إتهام الأساتذة باللجوء إلى الدروس الخصوصية لتحسين مقدرتهم الشرائية فإننا لا ننفي وجود إنتهازيين ككل القطاعات الأخرى و لا يشرّفون هذا القطاع و لكن في المربين بكافة أسلاكهم معلمين و أساتذة رجالا و نساءا يخافون الله في أبناءهم و يرون في كل تلميذ إبنا لهم و الجاحد بذلك لا يستحق النقاش.

    هناك ممن كانو قد أضربو من أجل نفس هذه المطالب زمن بن علي ولأن
    السلطة تغيرت فقد غيرو مواقعهم و أصبحوا يقفون ضد مطالب أضربوا من أجلها....فهم موالون بامتياز للحاكم الجديد و مستعدون أن يرفضوا المنطق و الحق بعينه فالمهم لديهم نسف القيادات النقابية الموالية أصلا لأحزاب معارضة و كلا الطرفين أراه أعمى البصيرة لأنهما بذلك يتصرفان دوما لغاية في نفس يعقوب. و من سيحتفل بالإضراب هم التلاميذ الفرحون بالانقطاع عن الدراسة.
    انه النفاق والولاء الأعمى وغياب القيام والثبات على المبدأ.

    ردحذف
  16. elmitfarij feres.vous devriez comprendre l historique avant de juger

    ردحذف
  17. سيدى الكريم اذا كان هذا تصرف المربى المتعلم المطلع على اوضاع البلاد و الظرف الحساس التى تمر به كيف نلوم على المواطن لا اقول الجاهل و لكن اقول البسيط عندنا يغلق طريق او يعطل مصنع لكى يلفت اليه الانتباه لانه عاطل عن العمل و لا يقبض ف حدود 800 دينارا شهريا بكل بساطة الجماعة هاذم حبو يستغلو الفرصة قبل ما تجى ناس اخلاى للحكم و يسكرو عليهم اللعب لان هذه الحكومة بكل صراحة بالغت فى الانبطاح الاتحاد قطاع الارزاق و فى الاخير اقول خسارة تونس بعد الثورة من جراء الاضرابات و الاعتصمات اكثر مما خسرته فى 23 سنة من حكم السراق

    ردحذف
  18. ااخي الكريم صحيح كل ما قلته و لكن لايجب ان تعمم لأن هناك من الأساتذة و من رجال التعليم بصفة عامة من يستحق كل التقدير والأحترام ومن لايزال متيقظ الضمير رفيع الهمة لايساوم في مبادئه ابدا وهؤلا ء هم الشرفاء حقا الغريب العجيب حسب رايي ان هذا الأضراب يدخل في خضم التجاذبات السياسية بالبلاد وهو وهولايعدو ان يكون الا حركة غير مسؤو لة تزيد في . وهذا ما يؤسفنا ويحزننا جميعا... ارباك الوضع العام الحاصل في الوقت الراهن

    ردحذف
  19. Moi aussi man9arich étude.
    Je passe ma journée à me trimballé d'un lieu à un autre : 2h30 de transport et 2h30 o5rin pour le retour. Déjà, après le transport t’es KO et tu ne peux rien donner. Mais, non moi personnellement je donne à 200% à mes élèves pcqu'ils sont démunie (o mech mziya c'est une vocation que j'ai choisi). Et le ministère ne juge pas bon bech tna9alna… tu sais ce que cela veut dire transport pendant 2h30 fi louage fi tounis ?? Et sur 3 étapes ??Es ce que tu sais ce que cela veut dire, vous qui avez choisi d’habiter en France ou ailleurs cela peut m’importe !
    Pensez-vous que ce sont de bonnes conditions pour un prof ou même toute autre personne pour travailler??
    Le travail d'un prof c'est pénible, surtt dans les zones intérieures (il y a même une étude qui le montre http://sciencetn.blogspot.com/2012/12/pas-facile-detre-enseignant-une-etude.html
    Vous parlez des 18h ou 20h qu'on fait par semaine? Vous oubliez qu'on a 30 élèves ou même plus/classe (pr moi c’est plus que 300 élèves/ semaine). Alors qu’un parent normal ne peut « tenir » ses propres enfants (qui ne dépasse pas les 5 au grand max) !!!
    Si vous me parlez du salaire qu'on a, je vous réponds que je n’arrive pas à joindre les deux bouts.
    Vous avez raison sur certains points comme la rénovation du système éducatif. ). L'états des classes, le manque de matériels.. Et ne me dite pas qu'il faut en en parler pcq tt le monde sait tout ça et est le nombre de plainte vis-à-vis à ce sujet...et d’ailleurs, pensez-vous qu'on en parle pas entre nous ? avec nos inspecteur? Avec les syndicats? Le ministère nous promet des changement.. Mais savez-vous comment ça se déroule le changement des leçons et la réforme du Système ??
    Que pensez-vous de la grève des médecins? Des profs universitaires?? pq c'est seulement les prof du secondaire qui vous gêne?
    Vous parlé de cours particulier.. à la faculté aussi ça existe, vous devez le savoir vous IPEITIEN.. pq personne ne réagit contre ce fléau et pourtant c'est plus cher et crée plus de dégâts!!
    Je suis désolé si yassine, mais vous nous jugez sans rien comprendre. Vous nous jugez depuis Paris ou tout autre lieu. Vous nous jugez superficiellement… Venez voir nos conditions, faite une descende sur le terrain… parlez aux professeurs… je vous invite à vivre ma vie pendant un mois, faite le trajet que je fais, faite notre boulot et vous verrez...
    Le plus important ce n’est pas de lancer des jugements dans l'air comme ça mais de bien comprendre de quoi il s'agit!

    ردحذف