الباجي، مستقبل تونس و سطل الهندي

البارح بعد ما سمعت و تأملت و بكيت من الخشوع في خطاب الباجي قايد السبسي، و بعد ما ظهر الكوع و زهق البوع قلت نلم بعض ستاتويات الفايسبوك متاعي و نزيدها بعض الملاحضات تأريخا لهذا اليوم الي زقزقت فيه العصافير و الغربان و الديناصورات و نحطها على المدونة متاعي

هيا سيدي البارح الباجي عمل لقاء تاريخي، حاجة لوكس، هكة اللقائات الي ما ريناهمش من أيامات الحملة الإنتخابية متاع سيادتو في 2009 زايدة شوية فرحة شباب تونس و مع  هاك الجو الإحتفالي الي كان في  الملتقيات الفكرية الي تخطب فيهم الدكتورة  
ألفة يوسف
. لزميلتها الدكتورة حتى هي ليلى بن علي

.حسيلو، جو رمنسي حميمي الكلو وطنية و مسؤولية

هيا جات الدخلة و هنا إنجم نأكدلكم إلي تقاسيم ما خدمتش البارح! خاطر الفارينة الي هبطت البارح حاجة فاخرة فاخرة فاخرة، لوكس! فرينة بالتصفيق، فرينة بالواقفة، فرينة بالدموع زادة إيه إيه

يحكيو إلي بن علي، لما شاف الفرينة الي بالدموع، كلم البجبوج يسئل فيه، كيما إشهار برودو كنور متع أت ت هاك العام : إش حطيتلها؟

هيا سيدي بعد التصفيق، و الدموع، و التصفيق، و تونس تونس تونس، و التصفيق، و ديما دموع، و تصفيق هيا بدا الباجي يخطب

:هيا نلخصلكم الخطاب

« الباجي قايد السبسي : "نيحانيحا بيهي بيهي بهي بو

الحضور: تصفييييييييييييييييييييييييييييق

فمة أربعة حاجات شدو إنتباهي في الخطاب 

·      كمال مرجان هو الوحيد الي ما صفقش، كابس روحو و يعض على سنيه، ياكل في روحو شبيه ما قيدش المبادرة مارك ديبوزي

·      فمة واحد قام يصيح زعمة نهضاوي، خرجوه و جاتو ميليشيات البجبوج كورو بيه و خلاو الباجي يوري قداهش متسامح و جنتي. حاجة ما فهمتهاش، معناها هاك السيكرتي هذيكا الكل، و الدخول بالإستدعاء، و الكراسي بالأسامي، و الناس الكل تعرف بعضها، دخل فيهم مندس باغبو زادة! يا والله أحوال، و جدت عليهم المسرحية و تصفييييييييق

·      البجبوج يحكي على الشباب و على الإديولوجية و على الثورة، يعني معدي الباك مع سيدي محرز و يحكي على الشباب، الي خدم تحت التعاضد و تحت نويرة و تحت مزالي و تحت بن علي أكه هو متع الإيديولوجيات الكل، و وزير داخلية بورقيبة و مدير أمنو، و عضو اللجنة المركزية للتجمع حتى 2002 و مهندس تدليس إنتخابات 1981 و مناشد بن علي في 89 و 94 و 99 و في إستفتاء 2001 يحكي على الثورة

زعمة ما جاهش تقرير إلي إيديولوجية شباب الثورة هي : رسد ديقاج؟

·       الشيخ الباجي، يوخر و يقدم و يقول على رؤوس الملأ الي السلفيين موش مسلمين! كفرهم طول! بالله تخيلو معايا كان جاء سلفي و قال التجمعيين ماهمش مسلمين، موش راهي الدنيا قامت و البرلمان الأوروبي تعقد هاك العقدة الي هي بيدها و بوارج الناتو قصفت العوينة و اللاك عملت إضراب عام؟ أما أششششت كي البجبوج يكفر ميسالش! ما راها حد، ما تكلم عليها حد

أنا نفهمو البجبوج، هو حاضر على الإسراء و المعراج، و زيد عندو الوهرة متاع شيوخ الفضائيات، عاد يقلك و بحيث كان طلعت حكاية السياسة ما توكلش، ندورها شيخ يكفر في العباد و يحكي على التبرك ببول بورقيبة و كيفاش إنه يجوز تفاخضك سيدة العقربي 

هيا سيدي وفى الخطاب، تصفيق أطول م الخطاب، تصفيق تصفيق تصفييييييق

قدام شلالات التصفيق هاذي، بعض الألسن الخبيثة ربي يسامحها، توة تقول بعبوص الكلب حطوه في التجمع خمسين عام و هات من هاك الأكاذيب المغرضة الي يلفق فيها الخونة أعداء الوطن و أعداء الأنسكو إيه إيه البجبوج محمي و مقيد في البترموان العالمي متاع اليونسكو

إيه، ويني الحلول؟ ويني الإقتراحات؟ ويني النظريات الإقتصادية ؟ ويني الإقتراحات الإجتماعية، و يني الحلول السحرية؟ شيء! رين! نادا! نيشت! حتى شيء!! تكومك شوية تصفييييق و إقترح شخصه باش يتبعوه اليتامى
 أما بابا عزيزي وين ماشين  الله و أعلم

معناها المشروع السحري العبقري الحكيم التاريخي متاع البجبوج : حتى شيء! غير عندو عقدة المجاهد الأكبر قعدت تاكل فيه سنوات و هو فقط صناعة وسيلة، عقدة داوى داوى عليها شيء، زاد كبرت كي جاه صانع التغيير رصاتلو يخدم صانع عندو، عاد باش يحل العقدة هاذي، يحب حتى هو زعمة يناشدوه و يدورو بيه الأيتام و يتبعو "شخصو" حتى هو من غير لا حلول لا برامج

أما بحكم ترددو على العيادات النفسية باش يخرج من جلباب وسيلة بن عمار و يولي مجاهد أكبر و صانع تغيير عرف الي شريحة كبيرة من التوانسة بعد 50 عام بافلوفيسم عندهم 6 أمراض نفسية عميقة و مزمنة

ألزهايمر مستفحل : فيسع ننساو شكون عذبنا و قمعنا و سرقنا و دلس إنتخاباتنا و عمل الحزب الدولة، فيسع ننساو

سكيزوفرينيا عميقة : لا للرجعية أما رجعونا للبجبوج، لا للسلفية و يحبو يجيبولنا السلف القامع، الكلها تولي ثورية كي الترويكا تحط تجمعي و يهبط عليهم التسامح و الإخاء كي يوليو تجمعيين صافي، يبندر و يلحس للبوليس كي يفشخ في القصبة تلاثة أما يرد روحو حقوقي و فارس بغداد كي البوليس الي يبندرلو يضرب في 9 أفريل

ساندروم ستوكهولم : علاقة حميمية مع الجلاد، أحنا القطوس الي يحب خناقو، أحنا الي نقدرو الفصالة و الخليقة و نعفسو علي يقدرنا، أحنا الي يضرب بالكف يولي وهراني و الي يلبس كي الشعب يولي شلوح، أحنا الي نعشقو انه جلادنا يفاحشنا و كان فد، إناشدوه و نبكيو بالدموع باش يزيد يفاحشنا

-مشكلة مع الأب : يلزمنا ديما مجاهد أكبر، ظل الله على الأرض، حامي الحمى و الدين، صانع تغيير، أب قائد يقري و يوري و أحنا نتبعو، واحد يتعامل معانا بلوغة أنا ربكم الأعلى و أنتم عبادي الظالون! لازم بونا الحنين

فوبيا و خوف مرضي من كل ماهو آخر ، من كل ماهو مختلف، متغذية بإحتقار طبقي و جهوي و ثقافي إستعماري بورقيبي كروي مزمن و مترسخ، خوف و عدم القدرة على قبل و تفهم الآخر و الي المختلف لازمو حل واحد : الحبس

مراهقة سياسية متجسمة في عاطفية النظرة السياسية و الإختيارات القايمة على الخوف و الشماتة! إيه نعم! الشماتة! فمة نخب في بلادي تعمل إختيارات سياسية مبنية على الشماتة

كره البعض للنهضة أقوى من حبهم لتونس

إذن و بحيث البجبوج فهم اللعبة، و من غير ما يقدم حتى حلول و حتى تصورات واقعية و إلا تصورات تو كور، لعب على أمراض نفسية و سماها نداء تونس (إيه إيه تونس عملتلو أبيل، بيب، خمسين عام و هي تطلب فيه، توة وين تحصلت! كان مشغول السيد يعذب في اليساريين في 68 و يعطي في أوامر إطلاق النار في الوردانيين و يشرع في قوانين بن علي)

الحاجة الباهية الي مبادرة البجبوج بش تلم قبل ما تبدى مليون و خمسمياة و سطاش عضو، مليون و خمسميا الي قعدو من زوز ملاين تجمعي بعد نص مليون ما دخلو للنهضة و السطاش هوما متاع التجديد، تي إيه التجديد، الحزب الشيوعي التونسي السابق، متع المساندة النقدية لبن علي حتى 2001 السابق، القطب السابق، تي السابق و أكهو

حاجة أخرى جديرة بالملاحظة، مبادرة فارغة من غير حلول و لا إقتراحات   قايمة على الحلم، المستقبل، على شيخ عمرو 87 عام؟ معناها أنفلونزا باهية و إلا سطل هندي باهي و إعتصام للقائد المفدى (كونستيباسيون بالعربي) و ضاعت تونس؟ حداشن مليون مواطن و 3000 عام تاريخ مرهونين في سطل هندي؟

الحاجة الباهية على الأقل توة معاد ينجم حد يقول على محسن مرزوق مفكر و يساري و مستقل، هاو ولى عندو أجندة سياسية واضحة و معلومة، كيف كيف لنور الدين بن نتيشة، للي مزال هكة في بالو بيه محلل سياسي مستقل زعمة

الحاجة الثانية الباهية هي الي توة الحكومة بش تفيق من غيبوبتها و نومها و ترددها، و تنحي عليها هاك السذاجة الطفولية متاعها، هكة في بالها كي تلعبها واقعية و البوم الحكيم الي فاهم الطرح و إلي كي تمد يدها و ترحب بالتجمعيين و الفساد و تسكر دوسيات الفساد و التعذيب و التلحيس بش يشدو هاك اليد و يبوسوها. ريتوشي حكومة عقلها أصغر من هكة؟ تي هوما يد بورقيبة الي ردهم عباد قصوها و كلاوها كي جاهم صانع التغيير

إذن فبحيث (تالمون العقدة متاع البجبوج كبيرة، حتى هاذي سرقها لبورقيبة) البجبوج الحلم متاعو يطلع كي بورقيبة في التلفزة و يقول كلمة بورقيبة متاع بعد أحداث الخبز : نرجعو كيما كنا، المهم هو الصانع موش صانع تحت صانع التغيير

فما فنطازم آخر يدور (مانا بلاد السياسة فيها ترجع لأمور عاطفة و كبت) قلك الباجي عمل المليح في الفترة الإنتقالية لذا هو الي يلزمنا باش ننقذو البلاد! إيه نعم

السبسي ما غرقناش في القروضات

السبسي ما زادش الناس الكل في الشهاري من غير زيادة إنتاج و خلانا في الأنفلاسيون نعانيو

السبسي ما عينش 200 كادر من جماعتو في البلايص الكل قبل ما يمشي

السبسي ما خرجش مرسوم 106 نهارين قبل الإنتخابات الي يحد فترة التتبع ل15 سنة  
برك باش يمنع م العقاب(السبسي عضو لجنة مركزية للتجمع حتى 2002)

لذا بالله نقصو م الريق و معادش تحاولو تفلمو بريق السبسي سوبرمان و هو الحل و الإقتصاد و هاك الريق! شطر الي نعانيو فيه اليوم من تحت راسو! يزيونا م التفليم و إيجاو برجلة : إشتقنا لأمنك سيادة الرئيس، و الشيطان إيه أما البولحية لا! شماتة هكاكة! مانا شعب لا يهمه لا حرية لا المستقبل لا الأفكار لا القطع مع الماضي، شعب يخمم ب"الشماتة"

عاد كي البارح كي قاعد نعلق على الخطاب التاريخي السحري المتميز العبقري للبجبوج، دارو بيا البجبوجات و البجابيج (أغلبهم خرجو يزمرو ببروفيلات لوكاسيون) ويعطيهم دودة البجبوجين و البجبوجات ، يعطيهم دودة اش يعرفو كلام زايد و إش مقطعين رواحهم سبان! راهي الكنام ما تاخوش ان شارج كي يطقتعلك عرق جرت ستاتو فايسبوك

تي م الإخر، البجابيج و البجبوجات، هوما القبيست الي جايين توة يكملو في الي فكتهولهم القصبة، هوما الي وقفو ضد أي تغيير و أي تبديل نحو المستقبل، هوما الي الثورة عرفوها بعد ما وفات و عمرهم ما قلقهم بن علي.

تره فماشي بجبوج أو بجبوجة ينجم يجاوبني شنية الحلول السحرية الي جاب البجبوج يكركر فيها من وذنيها اليوم و الا البارح و الا عام 60؟

فماشي بجبوج أو بجبوجة ينجم يجاوبني فاش يختلف الباجي عن بن علي و هل بن علي إخترع حاجة وحدة ( تزييف إنتخابات، تعذيب، الحزب الدولة، قمع الحريات، تقديس الشخص، الجهويات، المحسوبية، قمع حرية الصحافة..) تي موش الكلو صنعو الباجي وزير داخلية و مدير أمن بورقيبة و مناشد بن علي 89 و 94 و 99 و في إستفتاء 2001 و رئيس مجلس نواب بن علي و عضو اللجنة المركزية للتجمع حتى 2002؟

علاش الي فشل 50 سنة باش ينجح اليوم؟ تي هو في عصرو و عصر أولادو فشل، بش ينجح في عصر أحفادو؟ ما فدش م التجراب؟

.فبحيث حتى بجبوج و لا بجبوجة نجم يجاوبني

أما مراعاتا للعقد البجبوجية و عقد أيتام بوهم، نقترح إننا نجيبو التلفزة نصورو البجبوج يعوم نحققولو حلمو متع العصر الذهبي إلي يحب يرجعنا ليه

على قريب إن شاء الله في نسمة! أما علاش نسمة؟ زعمة حداثة و مقتنعة بحلول و مشروع الباجي، المشروع و الحلول الي مطرحهمش الباجي

جدت عليكم إنتوما زادة؟ لوووووول! الباجي هو صناعة وسيلة بن عمار حبت تعمل جبهة متع تونزوا ضد جبهة المساترية الي عاملها المجاهد الأكبر، إيه إيه هكة كانت تتعمل السياسة و تسيير الدولة في عصر بورقيبة. حاصيلو، الوحيد الي كان ينجم يؤثر على وسيلة (كي ليلى حتى هي موش قارية و خواتها يعملو إش يحبو و عيا بورقيبة عايش معاها قبل ما ياخذها) هو بلحسن متاع هاك الوقت، المنذر بن عمار! عاد كي ولدو يحل قناة، بالطبيعة يساندو البجبوج، الصانع متاعهم بش يسكرو القوس متاع 23 عام و يرجعو البن عمار العايلة الحاكمة! يعني لا حداثة لا خوانجية لا ريق، الكلها حكايات فلوس و مصالح

قبل ما نختم، عندي شوية أسئلة و بعض محاولات أجوبة

منين جات هالوقاحة متاع جلادي الشعب ل50 عام إنهم يرجعولنا مرة أخرى؟ تي هو الكابتن ماجد فيه ستة أجزاء برك

ما نغلطوش، أقل من واحد بالميا م الشعب كان مقلقو بن علي و دولتو و نظامو، الأخرين الكل دخلو في القالب و دبرو روسهم، زيد الشباب الساذج الي عاطي لأحزاب و شياب باش تكملو ثورة : ثورة بالمراسلة، خلي عاد هاك الحكومة العاجزة إلي تسخايب روحها في بلاد قوس قزح و إلا سلاحف النينجا وين الخير ينتصر قبل الجينيريك ،الحكومة الي تسخايب الحكم أوتوروت! إربح الإنتخابات و إش يهمك

أي دور للجيش في المرحلة القادمة؟

 كان الي عايش في داكار ماهوش قاعد يشوف الي الجيش يعمل في السياسة اليوم، و فما مطامع و تجاذبات. توة بيناتنا شربتوها حكاية سفيان بن فرحات و رشيد عمار متاع وفات الإستراحة متع السلفيين؟ يا شعبي يا طيب! معناها بن فرحات بش يكذب على الجنرال، و إلا بش يخرج حكاية كيما هكاكة منغير ما يشاور، و كانو يكذب النيابة العسكرية ما تعديهش تحقيق؟ لووول يا شعبي يا باهي: رشيد عمار قلو قول، سفيان سمع الكلام، الجنرال يكذب بطريقة باهتة، المهم الميساج وصل و 
صار جس نبض الشارع.

السؤال زعمة باش جايبين الجنرال لدور سياسي؟ دور الي حكى عليه الراجحي؟ بالفلوس؟ بمنطق جهويات؟ بالمناصب؟ بتعليمات من سفارة؟ وزعمة كان الجيش تسيس، مزال يرجع للقزرنة هو؟ شكون في مصلحتو نوليو الدزاير

الإنتخابات الجزائرية و نتائجها و الي صار في مصر، و زيارة البجبوج لأمريكا (يمشيش يجد عليكم بطل البجبوج، تطييح السروال للعم سام حاجة لازمة و أكيدة، تي الكلها مراودة على النفس) و توقيت مبادرة الباجي و زيارة المفوض الأوروبي لتونس يعطي في التعليمات ( توة ولات حريصة أوروبا على المسار الديمقراطي؟ 50 عام ما شافوهش؟) زعمة موش الكلها تصب في خانة وحدة؟ الباجي أخيرا رضات بيه أمريكا  عميل باش تضغط بيه على النهضة كان النهضة معادش تحب تسمع الكلام و تحسم الأمر و كمال مرجان شد البنك

كلمة أخيرة : إنجم نسامح بن علي على كل شيء، إلا على الباناليزاسيون متع العهر الفكري و الفني! قبلو كانت ظاهرة، المفكر مفكر و العاهرة عاهرة، ملي الكثير من المثقفين إختارو يرقدو مع بن علي باش يقمع لي بغبو و يستقاتو من هالصنعة، قعدنا غادي و ولات حاجة عادية! شوفو إختيارات بعض "النخب" السياسية و تفسيرهم ليها توة تفهم إلي الفن و الفكر و الثقافة في تونس  دز الباب و خش، خمسلاف تزيها

نصيحة لأهل السياسة و أهل الفكر، إستعملو الواقي الذكري في "حواراتكم" يزي منكم، ما تزيدوش تفرخو

قايد بجبوجستان، و الست بتاعو كمان، حيجيبو الصيد من ذيلو و يوكلو كل جيعان، و حتصير نهضة عظيمة، و حيبقى علينا القيمة، في المسرح و في السيما و في جنينة الحيوان

تي شبيني هكة؟ ميشون؟ و الديمقراطية؟ هيا خرجولي أيه البجابيج، أيتها البجبوجات، خرجولي العين الحمرة و إجبدولي هاك الموال : هذا إقصاء و لا يجوز!! أبب 

الإقصاء هو كيف تتوفر فيك الشروط و يتم منعك من النشاط. منع رجل من دخول حمام النساء ماهوش  إقصاء و منع الي لابس سباط سكي   من لعب البسكات ماهوش إقصاء

من شروط الديمقراطية الإعتراف بها و إحترامها

الي دلس إنتخابات و كان أدات قمع و صادر حق الآخر في الوجود السياسي ما تتوفرش  فيه شروط الديمقراطية و ما يحترمش لا كوعها و لا بوعها 

منع التجمعيين من المشاركة في الحياة السياسية ماهوش إقصاء، هو حفاظ على الديمقراطية و إحترام لقواعد اللعبة

عاد أحنا منعنا السلفية الي قالو الديمقراطية كفر زعمة نحافضو على الديمقراطية و نخليو الي موش بالقول، أما بالفعل ورانا الي هو يكفر بالديمقراطية؟ لا عاد بحيث يولي 
تبجبيج و تخلويض هذا


يحب الباجي و أمثالو يرجعي بالصندوق؟ على عيني و راسي أما بعد ما يخلصو جنائيا و تاريخيا و أخلاقيا و سياسيا ثمن القمع و التعذيب و التلحيس و السرقة و الجهويات و من بعد يتفضلو

توة هكة يا كبدي؟ عندهم 50 عام كريدي موش خالص، و مزلت تحب تكرديلهم؟ ما 
تستغربش مبعد كي تلقى روحك فلست، ملوح ع الكياس، تبيع في الهندي يا كبدي

شبيني نتكومك؟نتمقعر؟ موش هكة يحكيو في السياسة؟ وينو النقد البناء؟ الكلام هذا قلوه للبجبوج إلي قال على توانسة قرودة، و في عوض ينقد رفيق بوشلاكة قام يتمقصص عليه 

و م الإخر م الإخر؟ ما رضيناش بصانع التغيير، مناش بش نرضاو بالي كان صانع عند 
صانع التغيير

نعتذر كان واحد وجعو كلامي، موش مني! كلمة الحق توجع 

تموتو تموتو و يحيا الوطن

Quand Rchid Ammar parle de l'histoire de l'homme qui a dit non.

Rchid Ammar confirme qu'il n'a jamais refusé de tirer sur les manifestants. Il était même prêt à tirer s'il avait reçu l'ordre de le faire.




Aujourd’hui je reviens sur l’histoire de « L’homme qui a dit non » une dernière fois.

En fait, il y’a quelques jours, je suis tombé par hasard sur des documents d'instruction publiés par Takriz ou Rchid Ammar raconte sa version des faits.

Si je reviens sur cette affaire c’est pour deux raisons, la première est que je trouve ça cabrant que des gens croient toujours qu’il a refusé de tirer alors que lui-même affirme dans l’enquête n’avoir pas reçu d’ordres de le faire, et la deuxième est que j’estime qu’en plus du fait de confirmer une version très longtemps dénigrée ce document va plus loin en proposant une vision plus complète sur le rôle du Général Rchid Ammar pendant la révolution, toujours selon ses propres dires.

Après la lecture de ce document on peut en dégager les points suivants :

 -Le général Rchid Ammar affirme n’avoir en effet jamais reçu d’ordres pour tirer sur les manifestants, il n’avait donc aucune raison de dire non à quoi que ce soit.

 

-L’histoire de l’homme qui a dit non est une rumeur sortie sur les réseaux sociaux, Rchid Ammar le confirme .

L’histoire pourrait s’arrêter la, car le mythe s’effondre déjà, rien qu’avec cette déclaration mais le général va plus loin affirmant qu’il était tout à fait prêt à intervenir et qu’il n’attendait que l’ordre de le faire justement.

Rchid Ammar confirme donc avoir été prêt à tirer si Ben Ali le lui aurait ordonné. Quelle est donc la différence en fin de compte entre Rchid Ammar et Moncef L’Aajimi par exemple? L’un (L’Aajimi) avait reçu les ordres de Ben Ali et les a exécuté alors que l’autre (Rchid Ammar) attendait les ordres en étant prêt à exécuter mais, sauvé par le gong, il n’en a pas reçu.

Ce sont ses mots, relisez les, Rchid Ammar était prêt à tirer sur les manifestants s’il aurait reçu l’ordre de le faire.

Serait-il utile de préciser ici, ou de re-préciser, que le poste de Rchid Ammar est un poste ou on se trouve au temps de Ben Ali non pas parce qu’on est le plus compétant, mais parce qu’on est le plus loyal, le plus fidèle. Pour rien au monde Ben Ali n’aurait pris le risque de nommer à ce poste la quelqu’un qui risquerait de lui refuser un ordre, et donc ça va de soi que Rchid Ammar ait été prêt à tirer sur les manifestants.

Mais bon, parlons plutôt de preuves.
Pour les fanatiques du mythe de Rchid Ammar : relisez ce qu’il dit, « l’homme qui a dit non » vous explique tout lui-même.

Un autre point, jusqu’à maintenant ignoré : les conséquences de cette rumeur sur le cours des événements.

Prenons par exemple l’impact de cette rumeur sur le moral des policiers, selon le général elle aurait pu les pousser à se retirer. Il va même plus loin et affirme la rumeur est parvenue à ben Ali et a amené un sentiment de peur et manque de confiance parmi et entre les sécuritaires.

Donc pour récapituler, l’histoire selon laquelle Rchid Ammar aurait refusé de tirer sur les manifestants est fausse et c’est lui qui le dit (désolé pour les fanatiques énervés qui se sont tellement acharnés pour prouver le contraire) Il affirme aussi que c’est une rumeur sortie sur facebook ( ça ça a déjà été dit par la personne qui avait sorti la rumeur, mais bon je comprends, moi aussi je préfère quand c’est le général qui le dit) et finalement aurait eu un impact, toujours selon Rchid Ammar, beaucoup plus grand que ce qu’on croyait, ce dont n’importe quel tunisien ne peut que se réjouir, enfin j’espère.

Maintenant que cette affaire est classée je pense qu’il temps de s’occuper des vrais menteurs, vous savez celui selon qui on n’aurait pas eu de snipeurs pendant la révolution, ou encore celui qui nous a promis de créer 400 000 poste en une année.

Pour lire les déclarations complètes du Général :

Pour télécharger le document initial et complet des déclarations du général  : http://shr.tn/LNCU

ولد فرتة و السلفية

اليوم بش نركب على الحدث كيف الناس الكل و نحكي على السلفية

في المخيلة الشعبية و الفايسبوكية و حتى النخبوية، السلفي هو كل من هيج اللحية!! إيه إيه ريت على الفايسبوك فنانين و سياسيين بالنسبة ليهم لي باغبو
 "les barbus"
! تتنطق بال"آآآغغغغ" هوما السلفيين، بكل بساطة
!على حسابهم حتى ماركس باغبو و سلفي حتى هو


حاسيلو نظرة علوية متعالية ساذجة و مبسطة للأمور و منطوية على قناعات بناتها سنوات من الإعتقاد إلي جنوب تونس هو الحمامات و الي التوانسة الكل الكل يتلمو في البلازا و إلا في أسموز و إلي هوما النموذج متاع التونسي العادي


فما حكاية أخرى ترجع ديما عند الجماعة البغبو! قالك السلفية فكر دخيل و موش متاعنا
خاطر ماركس ولد باب الخضراء و أدام سميث من تازركة و جمال عبد الناصر كان يصيف في قليبية!! ملا ريق! تي أناهو الفكر إلي موش دخيل؟! من وقتاش فكرنا أحنا؟ تي أعمارنا الكل نستهلكو و الي نتمجدقو بيه اليوم الكلو دخيل يا كبدي


السلفية قبل ما تتفرع و ندخلو في التفصيل، هي بكل بساطة .الرجوع للسلف الصالح
يعني بلوغة أخرى و كان ناقفو لهنا، الي يحبو يقومو بورقيبة من قبرو و ينحيولو كلسونو و يلبسوه للبجبوج (شبيني نستهزأ بالمقدسات!!) يتسماو سلفية زادة! و أكا السلفية الي مخو بالفلوريتونش زادة: مع البجبوج شيء ما يفهم و لا حرية لا ديمقراطية لا شرعية لا ريق! السلف الصالح بورقيبة و البجبوج أولا. أما هاذوما سلفيين موش باغبو، ما أحلاهم و لا للإقصاء! خلينا في ميشون، خلينا في الباغبو


ثمة بالنسبة ليه السلفي هو هاك المسكر بالظبط، ما يفهم حتى كلمة، ما يناقشوش معاه، و في مخه هو على حق و الناس الكل غالطة! المشكل كان نطبقو الديفنسيون هاذي، تطلع تونس الكلها سلفية : من التاكسيست، لسبيري (السرفار متاع القهوة) ، لعرفي القديم، للكتائب المسلحة متاع عنقني


.شخصيا عندي زوز تجارب شخصية مع السلفية


أول سلفي تعرفت عليه و خالطتو، وليد شهلول، ضحاك، دافي، ما تسمع منو كان الكلمة الطيبة، مثقف، ما عندوش حاجة ما يتحكاش فيها، عندو نظرة سياسية واقعية و كاملة، و كل حاجة نلوجو على كتاب و حجة و نبحثو، حاصيلو حطو على الجرح يبرى


و عندي واحد آخر، ولد حومة، شهر "ولد فرتة" ، معدي عمرو يضرب في الكولفور بحذا السكة، على كعيبات نطرة، و كي تقين هانو يركش قدام الليسي، تتفكروهم أكا 
متاع : صحبوبي فمة 100 ؟


هيا تاب عليه ربي، و دخل دومان الإسلام هكة الي بالضبط، و هاكة الي فاق الي
 عورلها بالذنوب و هاكة يحب يشلل ذنوبو الكل في جمعة وحدة. و زيد عاجبتو الحكاية الجديدة و يحب الناس الكل تلتزم و توة زادة و ماذابيهم يبايعوه كابو (أمير معناها)! و رد بالك مع دومان الدين ما يفهم شيء، تقول يحكي على الجمعية، نفس السخانة و العصب، غير في بلاصة سبان الأربيتر هانو يسب في الشيوعيين (جمعة باش يتعلم كيفاه ينطقها) و في عوض يحكي على الذوادي ولا يحكي على الشيوخ، حاجة برك ما تبدلتش، كليمتين و بش يطرطقلك فمك! و كان العياط و كان حاولت تحكي معاه، فيسع تفيق الي هو حافظ موش فاهم


المشكل، كيف تتفرج في التلافز و تدور في كتاب الوجوه (فايسبوك بالعربي) ما تلقاهم يوريو في السلفية كان كينهم الكل "ولد فرتة"، الوقت يزيد يتعدى، و أنا نقول الي هاكة السلفي صاحبي الأول، ما يطلع كان عضمة حارمة، هاكة سلفي موش بلعاني


ما عنديش برشة عملت قهيوة مع صحفي من كنال + (قناة الأفق
متاع فرانسا) ، هيا كليمة تجيب كليمة و لقينا رواحنا نحكيو على السلفية، ياخي السيد وقفلي مخي، حكالي برشة حكايات على سلفية كيما صاحبي، و حكالي الي هو كان في العراق و صور برشة حكايات أما ما عجبوش التلفزة ، التلفزة تحب على حكايات   "ولد فرتة


و فهمت، فهمت الي حتى شيء ما يستقيم مع الجهل، و إنه الجاهل عدو نفسه و يعمل في روحو أكثر ملي يعمل العدو في عدوه، و الي في بلاد العاصمة متاعها فيها 5 مكتبات و 154 قهوة، شعبها يقرى أقل من 6 دقايق في العام، "الي قراو قراو عليهم" قريب يزيدوها للنشيد الرسمي، بلاد رضعت التعصب متاع الكورة، بلاد نخبها في قطيعة مع شعبها و واقعو و تخمم بلوغة "باغبو" ، لا تنجم تكون فمة لا سياسة لا دين ! و الي "ولد فرتة" كان غرموه شوية بريق أعتقني، و إلا ركبوهالو شوية عروبة و إلا أي حكاية راهو أبدع فيها زادة، و إلي التيارات الكل على إختلافها معبية ب"ولد فرتة"، و زدت فهمت علاش ربي سبحانو، أول كلمة هبطها هي "إقرأ".  لا شيء يستقيم مع الجهل


فهمت زادة إلي فمة مشكلة متاع تواصل، خاطر الي يحكم في الإعلام اليوم هوما "أولاد فرتة" متاع الحومة الأخرى و يستحيل يوريوك في السلفية حاجة أخرى غير "أولاد فرتة" متاع .السلفية


كي قامت الحكاية متاع التصاور متاع العبدلية، و ريت بلادي تتحرق، قلت بش نقعد نتفرج هكة و انبر على الفايسبوك؟ تي نحاول نعمل حاجة ، بديت نلوج ، نلقى الي في مؤتمر القروان جماعة السلفية بينو العديد من المواقف الي كان عرفها المواطن البسيط راهي سهلتلو فهم الي صار هالأيمات، أما على الفايسبوك ما رينا كان الزمقتال


هيا قلت تعرفشي كيفاش، برشة فرق سلفية، وبيناتهم برشة إختلافات ، و خطابهم بالكلام الصعيب، الي المواطن الزوالي "ولد فرتة" لا يوصلو لا يفهمو، هيا زعمة أنا العبدو الفقير، "الشقنوس" برة يعمل محاولة كان ما نفعتش ما تضرش، و على الأقل هاني نحاول، خير م التنبير ع الفايسبوك


قلت كان رموز السلفية و شيوخهم و أعيانهم يصححو الكل في نص ساهل واضح : العنف لا، حرق مؤسسات الدولة لا، الدعوة لحوار وطني يشاركو فيه هوما باش نعرفو و نتفاهمو شنوة المقدس و شنوة الإعتداء و يقترحو هالنص هذا على الطبقة السياسية و الرأي العام و نسمعو منهم و يسمعو منا


كيما قلت، أنا ماني كان مدون بسيط، لا عندي لا أحزاب لا فلوس لا موزاييك فم، لذا كان فمة شكون ينجم يوصل هالدعوة لأبي عياض، لبشير بن حسن، لأبي أيوب، الإدريسي أنا مستعد نمشي و نجي و نفسر.. و على الأقل نحاول و ببرشة نية طيبة


برشة من أولاد فرتة متاع الشيرة الأخرى توة يفتقوني من بعضي، برة بركة ميسالشش


قبل ما نكمل، نحب نقول الي أنا نحترم السلفية كفكر، كوجهة .نظر، لكني لا أشاطر نظرتهم السياسية و المجتمعية


كان فمة شكون يشاطرني في الرأي و يحب يعاون مدون بسيط، يا .مرحبا، كل ما نكثرو، كل ما خير


. نموت نموت و يحي الوطن

رسالة مفتوحة إلى السيد القائد الأعلى للقوات المسلحة

إلى السيد القائد الأعلى للقوات المسلحة منصف المرزوقي.

سيدي القائد الأعلى للقوات المسلحة، لو كنت نسيت ماضيك، و تناسيت صراعك مع إضطهاد المؤسسات و حربك من أجل الحقيقة فإن التاريخ لا ينسى و القلم بيدك الآن و صفحة التاريخ بيضاء، فإما أن تكتب ما نباهي به بين الأمم أو أن تصمت و إني و الله ما عرفت عارا أكثر من الصمت ساعة قول الحقيقة.

سيدي القائد الأعلى للقوات المسلحة، ما عاد يخفى على أحد ضعف صلوحياتك و  منصبك الشرفي. أكتب إليك لعلك تنقذ ما بقي من الشرف في المنصب.

سيدي القائد الأعلى للقوات المسلحة، أنت اليوم أمام مرآة نفسك، و أمام ضميرك فإن أنت تجاهلتهما فإن الشعب و التاريخ سيبقيان شاهدين على ما أنت فاعل.

سيدي القائد الأعلى للقوات المسلحة، كن قائدا و كن أعلى، لا تكن دمية تتلاعب بها صبيان مدللة غاضبة لتكسرها في آخر المطاف.

سيدي القائد الأعلى للقوات المسلحة، لو لم يكن هناك رجال تحدوا القائد الأعلى للقوات المسلحة السابق بنشر الحقيقة و كشف التزييف، لما كنت قادرا أن تمشي آمنا في شوارع تونس.

سيدي القائد الأعلى للقوات المسلحة، لن أجادلك في السياسة أو الأولويات أو الممكن و غير الممكن، فلعل الضغوطات و التجاذبات و الصراعات لم تعد تخفى على الكثير. 

سيدي القائد الأعلى للقوات المسلحة، سألفت النظر إلى قضية عادلة : رمزي بالطيبي هو واحد من خيرة شباب تونس، قضى في عهد القائد الأعلى للقوات المسلحة السابق خمس سنوات في السجن لنظاله بالصورة و الكلمة. 

رمزي اليوم يصارع الجوع و الغبن و القهر لأن من أنت قائده إفتك منه الصورة و الكلمة.

فما أنت فاعل؟

سيدي القائد الأعلى للقوات المسلحة،  بررنا جحودنا يوم دفنا المرحوم زهير اليحياوي ببطش الدكتاتورية، فبماذا سنمسح عارنا و بماذا سنبرر اليوم.؟

سيدي القائد الأعلى للقوات المسلحة، أناديك هكذا لأن قيادة القوات المسلحة هي ما بقي لك من الصلاحيات، و لن تجد عذرا للتهرب من مسؤوليتها.

الجنرال رشيد عمار، أليس ظابطا في القوات المسلحة التي أنت قائدها؟

الجنرال رشيد عمار، هل هو أقوى من شرعية الشعب التي أوصلتك لسدة المسؤولية؟

الجنرال رشيد عمار، هل هو أقوى من الثورة؟

الجنرال رشيد عمار، سيحاسبه التاريخ عاجلا أو آجلا، أما أنت ؟ تكون من له شرف محاسبته أو مذلة المحاسبة معه؟

الجنرال رشيد عمار، هل يخيفك؟

سيدي القائد الأعلى للقوات المسلحة، لو دامت لغيركم لما وصلتكم و لو دامت للجنرال الخلفي و الجنرال بن حسين لما وصلت لرشيد عمار. كلهم ذاهبون و الشعب و التاريخ باقيان ،  فهل من متعظ؟

سيدي القائد الأعلى للقوات المسلحة، أنت الآن تعلم و لن تستطيع القول يوما "غلطوني".

سيدي القائد الأعلى للقوات المسلحة، أرجو أن لا تطلق "الكانالو" بل أن تسجن الغراب.

تذكر سيدي القائد الأعلى للقوات المسلحة : "العار أطول من الأعمار" و

 على قدر أهل العزم تأتي العزائم وتأتـي على قـدر الكـرام المكارم"

"وتعظم في عين الصغير صغـارها وتصغر في عيـن العظيـم العظائم

و السلام.

ياسين العياري - شاب تونسي-