بالنسبة للي قراو الجزء الأول م المقال، نحب نأكد على صعوبة الحصول على المعلومات للجزء هذا : ما يجيك حتى حد يقلك راني عميل
بش نحكي علي نعرفو كيما عرفتو، و ماني بش نحشم و إلا نخاف من حد، و نعرف ملييييح مليح إش يستنى فيا بعد التدوينة هاذي، كل ما نحل فمي على فريدم هاوس و فلوس فريدم هاوس و تدريب فريدم هاوس إلا ما ناكل ما كلا الطبل
أول مرة سمعت بفريدم هاوس، كان في مقال في 2009 لخالد الكريشي خرج في الجريدة الحزبية للتكتل مواطنون ، عاودت لقيت الأرتيكل على الموقع متع اللجنة العربية لحقوق
الإنسان
ناخذلكم مقطع من المقال
" ورغم إنكشاف الطبيعة الحقيقية لمنظمة "فريدم هاوس " أمام الجميع وجدت موطئ قدم لها هنا في تونس وبالتحديد في قطاع المحاماة عبر مشاركة وفد من المحامين في بعض الدورات التدريبية التي نظمتها المنظمة سنة 2007 في كل من المغرب وكندا التي مكثوا فيها أكثر من شهرين ،والمفزع الذي يجعلنا ندق ناقوس الخطر ويستوجب تدخل هياكل مهنة المحاماة والمحامين عموما لإيقاف هذا التمشي السرطاني هو عمل هذه المجموعة على إستقطاب المحامين المتمرنين والشبان وحتى لا تفتك قلاع المحاماة الحصينة من الداخل
وإذا أردتم معرفة من هم هؤلاء المحامون المتعاملون مع منظمة فريدم هاوس فلن تتعبوا أنفسكم كثيرا فقط هناك خيط سميك يجمعهم :
فهم من جماعة اللاءات الثلاث ،لا طعم لا لون لا رائحة أو بالأحرى فهم ليسوا شيوعيين ولا إسلاميين ولا قوميين ولا حتى تجمعيين ..فهم أعداء السياسة والإيديولوجيا كما تشبعوا من أستاذهم المحافظ الجديد فرانسيس فوكوياما صاحب "نهاية التاريخ وخاتم البشر
هم من تخصص في ترويج الإشاعات المقززة التي تقشعر منها الأبدان داخل قطاع المحاماة ،ولا يتورعون عن كتابة المقالات غير الممضاة أو الممضاة بأسماء مستعارة والتي تقطر إبتذالا وإسفافا إذ ليست لهم الجرأة والشجاعة ليعبروا عن أرائهم مباشرة بل يتسترون وراء يافطات براقة كما تتستر الإدارة الأمريكية والمحافظين الجدد وراء منظمة "فريدم هاوس " وأهدافها البراقة التي تبهر الأبصار... ،وحين حاولوا تمرير عريضة ضد هياكل المهنة قبل الجلسة العامة السنوية الفارطة خارج الأسلوب الديمقراطي المتعارف عليه داخل قطاع المحاماة لم يتحصلوا سوى على 37 إمضاء !!من أصل أكثر من ستة آلاف محامي تونسي.
هم من دافع في المعركة الأخيرة حول مشاركة بعض المحامين في البرامج التلفزية الصفراء عن الإعلام الأصفر وعن التشهير بزميلهم وإفشاء أسرار ملفات التأديب وخرق القانون والضرب عرض الحائط بأخلاقيات مهنتي المحاماة والصحافة
"
المقال كامل تلقاوه هنا
http://www.achr.nu/art666.htm
ثاني مرة سمعت بحكاية سفارة أمريكا و العسول هذا، كان نهارة 18 ماي 2010. و قتها نحضر في نهار على عمار، كلمت سليم عمامو، قلي عندي قضية في سفارة أمريكا، نسخايبو يفدلك، هيا كي تقابلنا قلي إلي مشى قابل مسؤولين على الإعلام و سمالي برشة ناس عندها مديدة تقرى في دروس صحافة في السفارة الأمريكية! إيه نعم السفارة الأمريكية تقري في الصحافة، شنية المشكل! و من العباد الي سماهملي : خميس الخياطي (بعد ما شاب هزوه للكتاب)، سفيان شرابي، آمنة بن جمعة، بنت إدريس (مصير دستن
الحق وقتها ما عدلتش ع الحكاية برشة، في مخي سفارة أمريكا و ريق هاذم متع أفلام، موش من عاداتنا و تقاليدنا
أيامات نهار على عمار زادة، وقت مزلت وحدي و ما لقيتش شكون يصحح معايا على مطلب تنظيم مظاهرة، نحكي مع ليليا الوسلاتي
liliopatra
وقتها قلتلها صحح معايا إنت، قتلي لا أنا ما نحبش مشاكل أنا طالعة بش نعدي شهر في السويد نتدرب على صناعة الزعماء. و قتها ما صدقتهاش، نسخايبها تعلات و بره، طلعت للسويد و قراوها و وراوها
أيامات قبل الثورة خرجت ويكيليكس برشة خنار، و على سبيل المثال لا الحصر
البرقية هاذي
معناها سفير أمريكا ما قلقوش حجب اليوتوب و حجب موقع المفوضية العليا لحقوق الإنسان و حجب مواقع أحزاب معارضة.. عمل طاولة و كراسي و ما قلقو كان حجب
موقع فريدم هاوس. ماني بوهالي أنا عاد وقتها ما فهمتش
البرقية كاملة هاي هنا
https://tunileaks.appspot.com/2011/07/8/Senior-GOT-Official-calls-for-new-page-in-US-Tunisia-relations.html
البرقية هاذي فيها مقطع زعمة الي لازم مكونات المجتمع المدني تتدرب عند فريدم هاوس
http://cables.mrkva.eu/cable.php?id=33109
في البرقية هاذي ، ممثل فريدم هاوس تونس يعلم السفير الأمريكي الي المقربين لبن علي لازمهم تطمينات الي في حال تغيير النظام
و رحيل بن علي
البرقية كاملة هاي هنا
البرقية هاذي تفيد إلي فريدم هاوس تحكي على برامج تدريب فريدم لناشطين توانسة، الي يقرى يشوف الي البرنامج هو لصناعة الزعماء و دسهمهم في الشعوب و الرأي العام
البرقية كاملة هاي هنا
البرقية هاذي تحكي ع الفلوس، و كيفاه ما يلزمش تفوح و تخرج حكاية الفلوس و الي التغطية على التمويلات من مهام فريدم هاوس
البرقية كاملة هاي هنا
البرقية هاذي تحكي على وجوب حماية ناشطي فريدم هاوس الي يجيو تحط غطاء
Blue Umbrella
و بالبرقية هاذي فهمت علاش شكون يقول كلمة يوقفوه و شكون يقلب الدنيا عمرو ما يتوقف،أهيا
أيامات الثورة، فمة مدونين توقفو، موش الكل.. فمة حتى الي يشدو عندو قنبلة ما يتشدش
أيامات الثورة فرحت الحق وقت هيلاري كلينتن تكلمت على المدونيين الي توقفو، فرحت خاطر فيهم أصحابي و ناس تغصرت و توقفت معاهم تحت بن علي أيام الكلمة جمرة
أيامات الثورة تسائلت، هيلاري كلنتن تتكلم على إيقاف مدونين و ما تتكلمش على 100 مغدور بالرصاص؟ بلد غريبة في عالم عجيب
بعد الثورة سمعت الي فمة شكون من المدونين مشى إتدرب في بيروت و في القاهرة على كسر الصنصرة مع فريدم هاوس
توة نتدروشو على بعضنا؟ كسر الصنصرة؟ تي أي شاب تونسي عمرو أكثر من 14 عام يعرف يركب بروكسي و يخدم الهوت سبوت، تي لواه ماشين لبيروت؟ تي كان مشاو بوبلينات الحومة راهو سعيد علمهم و وراهم
الحكاية ما دخلتش مخي الحق، إلي عرفتو إلي آمنة بن جمعة مشات لوحدة من الدورات هاذوكم و سليم عمامو مشى للزوز
الأرتيكل بدا يطوال، باش ما نكثرش و ما نطولش، إن شاء الله نكمل نحكي على الي عرفتو على فريدم هاوس تونس حسب الترتيب الزمني الي عرفتو فيه مع الأسماء و الأدلة في الجزء الثالث
نختم كيما ختمت الجزء الأول
نتمنى الي صحافي محترف يقوم ببحث أعمق و إنه وكيل الجمهورية يفتح تحقيق في الخيانة العظمى ضد كل من باع بلادو لأجل حفنة دولارات
براس أمك آش جبت جديد؟ فريدوم هاوز فريدوم هاوز... تي ماو سفيان مستعرف مالأول إيه و مبعّد؟
ردحذفما أرخص العباد يا بو قلب تقول مولودين في الصولد --'
ردحذف7ilwa
حذفتصدمت فهم
حذفJe m'attendais a voir des preuves sur les noms que tu cites... rien ..
ردحذفau faite tout ce que t'a fait c'est Ctrl+F ...
ياسين ، ربي يعينك
ردحذففي حكاية السفارة نسيت علي سعيدان مشى معاهم
ردحذففمة زادة هويدة انور
ردحذفhttps://twitter.com/Houeida
كنت بوهالي وتوا في بالك وليت ذكي، عمرو البوهالي ما يولي ذكي والمدونين كلهم أبهلة آمس واليوم وغدوة
ردحذفصاحبي ربي معاك واصل و المتقلق و شوف الي مثماش جديد إنجم إرتح روحو
ردحذفc'est un règlement de compte avec ses anciens copains, n'allez pas chercher plus loin
ردحذفAprès le mensonge de l'homme qui a dit non, voici que tu nous apprend que tu as trempé "sans t'en rendre compte", jusqu'au coup avec des pseudos révolutionnaires infiltrés.
De plus en plus passionnant.
الكاتب ذكر بعض العناصر المحسوبة على هذا التنظيم الإستخباراتي و هي في كل الأحوال مكشوف امرها ,,, و لاكن غاب عن الكاتب عن قصد او عفويا ان بعض من هذه العناصر متواجدة بالحكومة و يعتلوا بعض الوزاراةو الآخرون لم يقدموا سوى ككبش فداء فليس من السهولة ان اكتشف انااوانت هذه المعلومات ,,,اما شدى انتباهي جقيقة ان كلهم اصدقائك على الأقل في مجال الإعلام و الصحافة !!!!??? انا لا أخونك ولاكن ليكن في علمك ان هنالك شباب منتمين للمؤسسة العسكرية بتلقون تدريباتهم بأمريكا في الوقت الحالي ولعلنا نراهم عن قريب في الساحات السياسية و الأهم من ذلك كله ... ''' من يوضفهم في تونس و يسهر على متابعتهم ؟؟؟؟
ردحذففي كل مرة انتهي بقراءة البسيطة لسؤال لك و انا متؤكد انك لست ملم للموضوع بشيء و لاكن فقط تصفية حسابات مع رفاق الماضي
Merci pour cet article
ردحذفPeux tu nous faie un bilan avec le nom et e degré de rattachement au freedom house
هذومة المدونين فعلا يتم تحظيرهم باش يكونوا الطبقة الإعلامية و السياسية المستقبلية
ردحذفأو هكذا كان مبرمجا ، إلى حد الآن
الغريب أن أعداء الثورات ، القدم منهم و الجدد
يتهموا في الحكام الجدد أنهم خططوا مع أمريكا لتغيير النظام
بينما اللي كانوا يخططوا هوما المدونين هذومة و عروفاتهم في فريدوم هاوس
و كي تجي تشوف المواقف الحالية لمدوني فريدوم هاوس، بكلهم ضد الحكومة و النهضة على وجه التحديد
Bhim wmssatek wmakhout
ردحذفنهار إلي مشيت للسفارة ما كانش درس و ما كانش موجود سفيان شرابي و مصير دستن و عمري ما سمعت بحكاية الناس إلي تقرا في دروس صحافة في سفارة أمركا. كان *نقاش* على موضوع "حرية التعبير" وقت إلي احنا ننظم في نهار على عمار. هذاك علاش استدعوني. أما ما فهمتش .. شمدخل فريدمهوس؟
ردحذف.. و عمري لا مشيت لتدريب لا في تونس لا في خارج تونس و ما عرفت فردمهوس كان بعد الثورة
ردحذفالحقيقة اني لست من الذين يرغبون في التعاليق والمزايدات ولكني بسبب متابعتي لما كان يحصل في الساحة فاني اريد ان افيد صاحب المقال وكل من ساهم بالتعليق للافادة والاستفادة . اقول ان هناك اشياء في تونس وقع التعامي والتعتيم عليها لغايات في نفوس المرضى والمتملقين ومزيفي التاريخ وكان يُعتقد ان الامر كله كان بتسيير ومتابعة الاجهزة الامريكيّة او الاستخباراتيّة ولم يُعر المتابعون لحراك المناضلين اي بال في الحراك الوطني وتراكمه الزمني والعملي ولذلك فانّ العديد منهم وخاصة الاعلام الغربي الذي اراد ان يصنع رموزا وطنيّة ونضاليّة جديدة للتغطية على نضالات المتجاسرين الشجعان ساهم بشكل كبير في تزييف وقائع واحداث ومحدّدات ورموز كانت تصنع تاريخ تونس وحاضرها ومستقبلها بعيدا عن الهرج والمرج والتجاذبات وصياح المتملقين والمزايدين ولم يتطلع هؤلاء لركوب موجة التسلق والبروز ولكنهم لن يتركوا التاريخ يُكتب بمعزل عن الحقيقة الساطعة .. يمكن ان لا يفهمني اولئك الذين سيقرؤون تعليقي ولكني ابيت الا ان اترك فيه غموضا لن يطاله ويعلمه الا امن واكب مسيرة النضال قبل الثورة بسنوات وليس قبلها بايام واردت ان اعرج في تعليقي الى شيئ وحيد وهو ان ليليا الوسلاتي كنت انسق معها بمعيّة اعضاء من البرلمان الافتراضي من اجل مواصلة النصال ضد الحجب والاعتقال والتنكيل بالمناضلين وكان لنا برامج واضحة في هذا المجال وهذه الفتاة هي ابعد الناس عن تهمة الاجندات والمؤامرات والارتباط بالولاءات الاجنبيّة والخارجيّة وقد استشارتني حين ارادت ان تمضي على مطلب معك وانا من اشار عليها برفض الامر لاننا نريدها ضمن المشروع الذي سطرناه في الاذهان وفي ميدان الواقع وعملنا على تنفيذه مشتركين مجموعة من المناضلين ليس لهم اي ارتباط الا بالمشروع النضالي الوطني وللعلم يا يسين العيّاري فان ليليا كانت ترغب في الدخول معك في هذا النضال ولكنّي انا من غيّرت رايها وكنا نرغب في ان تسافر الى السويد ثمّ بعد ذلك نتخيّر اساليب النضال التي سنتبعها بعلاقة وموضوع الحجب وشكل النضال الذي سنعتمده بعد ذلك . فلا تحاول يا يسين الحاق التهم بالآخرين ولا يجب ان تعطي الامر اكثر من حجمه وذلك في ما يخصّ موضوع ليليا الوسلاتي . وان اردت اسرارا اخرى فاني مستعد لكشفها لك وخاصة في ما يتعلق باستثمار مجموعتنا "البرلمان الافتراضي" لكل الطاقات الوطنيّة التي كنا نستهدفها في عملنا
ردحذف